საახალწლო ფოიერვერკები მანქანისთვისაც საშიშია! სად დავაყენოთ ავტომობილები დღეს?
საახალწლო ფოიერვერკები მანქანისთვისაც საშიშია! სად დავაყენოთ ავტომობილები დღეს?
30.12.2015
ახალი წლის ღამეს ფოიერვერკზე უარს, რა თქმა უნდა, არავინ ამბობს. ბევრი 31 დეკემბრის ღამის 12 საათამდე ვერც ითმენს და მანამდე, ხშირად რამდენიმე დღით ადრეც იწყება აფეთქებები. თუმცა ფოიერვერკების კასკადი სწორედ 31-ში, ღამის 12-ზე იწყება და მანამდე, 31 დეკემბრის საღამოს ბევრს უტრიალებს თავში კითხვა - სად დავაყენო ავტომობილი?

მართალია, ავტომობილს ვერცერთი საახალწლო ფოიერვერკი ვერ ააფეთქებს (მანქანის ქვეშაც რომ შევარდეს, საწვავის ავზს ვერაფერს ავნებს), მაგრამ საღებავის დაზიანება კი შეუძლია და, თანაც, სერიოზულად. ამიტომაცაა აქტუალური კითხვა, თუ სად უნდა დავაყენოთ ავტომობილი ახალი წლის ღამეს.Auto Bild

თბილისში პარკინგი ისედაც ჭირს და თუ საკუთარი ავტოფარეხი არ გვაქვს, მაქსიმალურად უსაფრთხო ადგილის პოვნა ძალიან გაგვიჭირდება, მაგრამ სხვა რა გზაა - უნდა ვეძებოთ. თუ ფარეხი არ გაქვთ, შეეცადეთ, ავტომობილი ხის ქვეშ მაინც დააყენოთ. განსაკუთრებით სახიფათოა მანქანის ეზოში, აივნების წინ გაჩერება, რადგან ასაფეთქებლებს სწორედ აივნებიდან ყრიან და ფოიერვერკებსაც აივნებიდან უშვებენ. თუ მოახერხებთ და ავტომობილს სპეციალურ გადასაფარებელს გადააფარებთ, ამით საღებავს დაიცავთ.

აღსანიშნავია, რომ მსუბუქ დაზიანებებს მარტივი პოლირებით უპრობლემოდ ამოიყვანთ, მძიმე ქიმიური ნივთიერებების გამოყენებისას კი ფრთხილად უნდა იყოთ, რომ საღებავი უარესად არ დააზიანოთ. აღსანიშნავია, რომ ახალი წლის ფოიერვერკებით მიყენებული დაზიანებების ხარჯს დაზღვევა ყოველთვის არ ანაზღაურებს.

Auto Bildამ ყველაფრის გარდა, კიდევ ერთხელ მოვუწოდებთ ყველას, რომ ვინც ახალი წლის ღამეს საჭესთან დაჯდება, სიფრთხილე და, რაც ყველაზე მთავარია, სიფხიზლე მართებს! ნუ მიუჯდებით საჭეს ნასვამ მდგომარეობაში! ალკოჰოლი ახალ წელს აუცილებელია, მაგრამ ალკოჰოლის თუნდაც მცირე დოზით მიღების შემდეგ საჭესთან დაჯდომა უდიდესი რისკია, რომ ახალი წელი, რბილად რომ ვთქვათ, ცუდად დაიწყოს.

ჟურნალ AUTO BILD-ის რედაქცია გილოცავთ დამდეგ 2015 წელს და ყველა საავტომობილო თუ არასაავტომობილო სურვილის ასრულებას გისურვებთ.
article image
2017-01-10 11:12:03
”ტოიოტამ” დეტროიტის ავტოშოუზე ახალი Camry წარმოადგინა. იაპონელთა ბესტსელერს აშშ-ის ბაზარზე ახლა უფრო ემოციური დიზაინი აქვს და ახალი ძრავებიც მიიღო.
article image
Cat Image
2017-01-09 12:09:06
ახალი ცხვირი, ახალი ტექნიკა: ”მერსედესმა” თავისი კომპაქტური SUV, პოპულარული GLA განაახლა.
article image
Cat Image
2017-01-04 12:02:45
”კიამ” ახალი ”პიკანტოს” პირველი ოფიციალური ფოტოები გამოაქვეყნდა, რომლებზეც კორეელთა მცირელიტრაჟიანი
სხვა სიახლეები
19.01.2017
”ყვითელი შუმახერები” - ასეთი სახელწოდება აქვს ამ პატარა დოკუმენტურ ფილმს, რომელიც ასახავს იმას, რაც უამრავ ქართველ მძღოლს აწუხებს.
სრულად
11.01.2017
მეორადი ავტომობილების ბაზარზე უდიდესი არჩევანია. რომელი ავტომობილია ყველაზე გამძლე და ხარისხიანი?
სრულად
11.01.2017
დღეისათვის სუპერავტომობილების ბაზარზე ერთ-ერთი მთავარი ჰიტი ”მერსედესის” მომავალი ჰიპერავტომობილია, რომელიც ფორმულა 1-ის ძრავით უნდა აღიჭურვოს.
სრულად
ახალი ნომერი