აირტონ სენას ცნობილი გამონათქვამები
აირტონ სენას ცნობილი გამონათქვამები
01.05.2015
ლეგენდარული მრბოლელის დაღუპვიდან 21 წელი გავიდა - დღეს დიდი აირტონ სენას გარდაცვალების დღეა.

1994 წლის 1 მაისის საღამოს მთელი ბრაზილია ატირდა, როცა გაირკვა, რომ აირტონ სენა ცოცხალი აღარ იყო. საფეხბურთო მატჩები შეწყდა, ფეხბურთელები მუხლებზე დაემხენ და სამი დღის განმავლობაში საქვეყნო გლოვა იყო. აირტონ სენას დაკრძალვას სან პაულოში სამი მილიონი ადამიანი დაესწრო.

Auto Bild

რაც ყველაზე ტრაგიკულია, დღემდე არ არის ბოლომდე გარკვეული, რატომ დაკარგა აირტონმა Williams FW16-ზე (სასტარტო ნომრით 2) კონტროლი და რატომ შეეჯახა ტამბურელოს მოსახვევში კედელს. გადაჭრით ვერავინ ამბობს, ეს ავარია ტექნიკური დეფექტის ბრალი იყო, თუ თავად სენამ დაუშვა შეცდომა. ფაქტი ისაა, რომ სენას იმ დღეს იმოლაზე არ გაუმართლა, რადგან წინა დაკიდების ნაწილს მისი ჩაფხუტი რომ არ გაეხვრიტა, ბოლიდიდან გადმოვიდოდა და ბოქსებისკენ გაიქცეოდა. ამას ემატება ისიც, რომ ფორმულა 1-ის მრბოლელ როლანდ რატცენბერგერის ტრაგიკულად დაღუპვის შემდეგ სენა სერიზულად ფიქრობდა იმაზე, რომ იმოლას რბოლაში მონაწილეობაზე უარი ეთქვა...

გადავწყვიტეთ, დიდი აირტონის დაღუპვის დღეს მისი ყველაზე ცნობილი გამონათქვამები გავიხსენოთ:

► ”რბოლა, კონკურენცია - ეს ჩემს სისხლშია. ეს ყველაფერი ჩემი და ჩემი ცხოვრების ნაწილია. ეს ისაა, რასაც ყოველთვის ვაკეთებდი და ჩემთვის ყველაფერზე წინ დგას.”

► ”...და როცა გადაცდები ამ ზღვარს, შენში რაღაც იცვლება და უკვე შეგიძლია კიდევ უფრო წინ წახვიდე. შენი გონების ძალით, შენი მიზანდასახულობით, ინსტინქტით და გამოცდილებით ძალიან მაღლა შეგიძლია აფრინდე”

Auto Bild

► ”დაიკავო მეორე ადგილი, ეს ნიშნავს იყო პირველი, დამარცხებულებში”

► ”თუ ღმერთი შენშია, შენთვის ყველაფერი ნათელი და გასაგები ხდება”

► ”უცებ მივხვდი, რომ მანქანას აღარ ვმართავდი. ავტომობილი ჩემი ინსტინქტებით იმართებოდა და მე უკვე სხვა განზომილებაში ვიყავი”

► ”ფული უცნაური რამეა. ვისაც ფული არ აქვს, დღე და ღამე ფულზე ოცნებობს და ყველაფერს აკეთებს ბევრი ფულის საშოვნელად. ხოლო მათ, ვისაც ფული აქვს, პრობლემები არ აკლიათ.”

► ”მე გაუჩერებლად ვსწავლობ ჩემს შესაძლებლობებს, ჩემი სხეულის შესაძლებლობებს, ჩემი ფსიქიკის შესაძლებლობებს. ეს ჩემი ცხოვრების წესია.”

Auto Bild

► ”მე არ დავბადებულვარ იმისთვის, რომ მოვიდე მეორე ან მესამე. მე დავიბადე იმისთვის, რომ გავიმარჯვო.”

► ”გამარჯვება ყველაზე მნიშვნელოვანია. გამარჯვებისთვის შეიძლება ყველაფერზე წახვიდე. აბსოლუტურად ყველაფერზე!”

► ”შიშის გრძნობა ჩემთვის მიმზიდველია”

► ”მე ვერ წარმომიდგენია მანქანის მართვა რისკის გარეშე. ყველამ უნდა გააუმჯობესოს საკუთარი თავი. ყველა მრბოლელს აქვს თავისი ლიმიტი. ჩემი ლიმიტი ოდნავ უფრო მაღლაა, ვიდრე სხვების.”

► ”თქვენ უნდა მიიღოთ გადაწყვეტილება - ან გამარჯვება, ან არაფერი. ანუ, ან მონაწილეობ რბოლაში, ან არა.”

Auto Bild

► ”თქვენ ვერასდროს ნახავთ რბოლის გამარჯვებულის ნამდვილ ემოციას. იმიტომ, რომ ამ ემოციას ჩაფხუტი ფარავს.”

► ”საფრთხის შეგრძნება ძალიან მიმზიდველია. ჩემი ამოცანაა ახალი საფრთხეები ვიპოვო.”

► ”მდიდარ ადამიანებს არ შეუძლიათ იცხოვრონ განცალკევებით. ჩვენ ყველანი ერთ ჰაერს ვსუნთქავთ. შანსი, თუნდაც ელემენტარული, ყველას უნდა მიეცეს.”

► ”ქალები ჩვენთვის ყოველთვის პრობლემებს ნიშნავს, მაგრამ მათ გარეშე ცხოვრება წარმოუდგენელია.”

Auto Bild

იხილეთ ასევე
სენა ფიქრობდა, რომ უკვდავი იყო...

Auto Bild

ბეჭდვა
ტეგები:
article image
2017-04-25 06:00:00
ჟენევის ავტოშოუდან ლონდონის ქუჩებისკენ - AUTO BILD-მა I-Pace-ით ექსკლუზიურად გაისეირნა
article image
Cat Image
2017-04-24 06:59:58
„ჩელენჯერ დემონი“ - ასე ჰქვია „დოჯის“ უჩვეულოდ მძლავრ ”მასქლ ქარს”, რომელიც თავად ფილმ „ფორსაჟის“ მთავარი როლის შემსრულებელმა ვინ დიზელმა წარადგინა.
article image
Cat Image
2017-04-19 09:13:41
განახლების შემდეგ, Mercedes ”S-კლასმა” ახალი ძრავები და ასისტენტ-სისტემები მიიღო. ყველაფერი ფეისლიფტის შესახებ!
სხვა სიახლეები
27.04.2017
გადაწყვეტილი და ახლა უკვე ოფიციალურად დადასტურებული ამბავია, რომ 2019 წლიდან ”აუდი” Q3-სა და Q5-ს შორის არსებულ სიცარიელეს ახალი მოდელით შეავსებს, რომელსაც, რა თქმა უნდა, Q4 ეწოდება.
სრულად
27.04.2017
ჩინეთი დღეს ყველა საავტომობილო კომპანიისთვის მიმზიდველი ბაზარია. სხვანაირად ვერც იქნება, რადგან იქ მსოფლიოში ყველაზე მეტი ავტომობილი იყიდება. მაგრამ ადრე ასე არ იყო
სრულად
27.04.2017
გავრცელებული ინფორმაციით, ახალ „ტოიოტა სუპრას“, რომელზეც იაპონური კომპანია BMW-სთან ერთად მუშაობს, ბავარიელთა მიერ შემუშავებული აგებულება და აღჭურვილობა ექნება.
სრულად
ახალი ნომერი