BMW-მ ლას ვეგასში მომავალი გვიჩვენა! (+ VIDEO)
BMW-მ ლას ვეგასში მომავალი გვიჩვენა! (+ VIDEO)
06.01.2016
ბავარიელებმა CES 2016-ზე თავიანთი უახლესი ინოვაციების პრეზენტაცია გამართეს

როგორც მოსალოდნელი იყო, BMW-მ სწორედ CES 2016-ზე (Consumer Electronics Show) და სწორედ i8 Spyder Concept-ში წარმოადგინა ტექნოლოგიური სიახლე სახელწოდებით BMW i Vision Future Interaction. AUTO BILD-მა კი უკვე მოინახულა BMW-ს მომავალი!

Auto Bild

დამთხვევა ნაღდად არ არის ის, რომ ბავარიელებმა თავიანთი უახლესი ინოვაციების პრეზენტაცია სწორედ CES 2016-ზე გამართეს, რომელიც ლას ვეგასში დღეს (6 იანვარს) დაიწყო და 9 იანვრამდე გაგრძელდება. i8 Spyder სტუდიური მოდელია, რომელიც გვამცნობს, როგორი იქნება მიუნხენელთა ჰიბრიდული კაბრიო, რომელიც, უკვე ცნობილია, რომ ნამდვილად გამოვა. თუმცა მიუნხენელებს არ უთქვამთ, კონკრეტულად რა გადაჰყვება ამ სტუდიურ მოდელს სერიულ მოდელში. წარსულის გამოცდილება კი გვიჩვენებს, რომ BMW-ს ლას ვეგასის CES-ზე არასდროს წარმოუდგენია ისეთი რამ, რაზეც შემდეგ ვიტყოდით, რას გვაჩვენებდნენ, თუკი გაკეთებას არ აპირებდნენო...

Auto Bild

ამრიგად, ლას ვეგასში ნანახიდან ზოგიერთი ელემენტი მართლაც გამოვა სერიულად. მაგალითად, Air Touch, რომელიც ნამდვილად ექნება i8 Spyder-ის სერიულ ვერსიას. სხვა დეტალები კი, მაგალითად, ავტოპილოტი, სავარაუდოდ მოგვიანებით, BMW-ს ”მეშვიდე სერიის” ფეისლიფტის შემდეგ, ანაც დაგეგმილ BMW i5-ში გამოჩნდება.

Auto Bild

მძღოლის სამუშაო მაგიდაზე თვალის პირველი შევლება იმედისმომცემია. მართალია, კოკპიტზე ორივე სენსორული ეკრანი ძალიან ჭრელად ანათებს, მაგრამ ვიზუალი მძაფრი, იდეალურად აღქმადია და ნამდვილად არ არის ინფორმაციებით გადატვირთული. საჭე უკვე მზად არის სერიული წარმოებისთვის, რადგან ტრანსმისიის ბერკეტი საჭის მარჯვნივ თავისი სტარტ-სტოპით, ცხადია, BMW i3-დან გვეცნობა. დადასტურების ზედაპირები საჭის მანებზე ძალიან ხარისხიანი და ძვირფასი ჩანს.

სავარძლები ვიწროა, მაგრამ მაინც კომფორტული, რადგან სავარძლის გვერდები ელექტრონულად იწევა და ამრიგად, შეგიძლია, შენი სავარძელი გააგანიერო, ან დაავიწროვო. ვფიქრობთ, BMW-ს ასეთი მომავალი საკმაოდ უცნაური და უცხო, მაგრამ ძალიან საინტერესოა.
რობინ ჰორნიგი

Auto Bild
AUTO BILD-ის ავტორი რობინ ჰორნიგი BMW i8 Spyder Concept-ის საჭესთან

იხილეთ ვიდეო:
ბეჭდვა
ტეგები:
BMW,
article image
2016-08-24 11:19:51
”ოპელი” 2017 წლიდან ახალ ელექტრომობილს შემოგვთავაზებს. ეს გახლავთ Opel Ampera-e, რომელსაც BMW i3-ზე მეტი ძალა აქვს, აჩქარებით კი ”ოპელის” სპორტულ მოდელებსაც კი გაუწევს კონკურენციას.
article image
Cat Image
2016-08-01 12:17:55
ფრთხილად, გერმანულო ბრენდებო! SUV-კლასში Jaguar F-Pace-ის სახით სერიოზული მატებაა. მოდი, ვნახოთ, რას გვთავაზობს ეს ინგლისელი
article image
Cat Image
2016-07-28 13:15:11
ბევრი იფიქრეს, თუ ცოტა, Manhart-ის ტიუნერებმა გადაწყვიტეს, BMW M2-ზე წაემუშავათ.
სხვა სიახლეები
26.08.2016
რუსული ავტომწარმოებელი ”ლადა” მოსკოვის მოტორშოუზე რამდენიმე ახალ კონცეპტს გვიჩვენებს
სრულად
24.08.2016
მართალია, წარწერა ”750 Li” სწორედ BMW-ს მარკის ლუქს-ავტომობილზე მიუთითებს, მაგრამ ეს ის არ არის
სრულად
24.08.2016
”ოპელი” 2017 წლიდან ახალ ელექტრომობილს შემოგვთავაზებს. ეს გახლავთ Opel Ampera-e, რომელსაც BMW i3-ზე მეტი ძალა აქვს, აჩქარებით კი ”ოპელის” სპორტულ მოდელებსაც კი გაუწევს კონკურენციას.
სრულად