ყველაზე შთამბეჭდავი ავტოები 2015, მე-8 ადგილი: Volvo XC90
ყველაზე შთამბეჭდავი ავტოები 2015, მე-8 ადგილი: Volvo XC90
18.01.2016
2015 წელს AUTO BILD-ის ფარეხში 700-ზე მეტი ახალი ავტომობილი იმყოფებოდა. გადავწყვიტეთ, მოგიყვეთ, რომელმა მანქანებმა მოახდინეს ჩვენი ჟურნალის ავტორებზე ყველაზე დიდი შთაბეჭდილება.

ძვირფასო სანტა, შეფუთე ეს მანქანები ლამაზად და დაგვიყენე საახალწლოდ ნაძვის ხის ქვეშ კი არა და, სახლის წინ! დიახ, ძვირფასო მკითხველებო, ისევე, როგორც თქვენ, ჩვენ, AUTO BILD-ის ავტორებსაც გვაქვს ოცნებები და რა საკვირველია, ჩვენი ოცნებებიც ავტომობილებს უკავშირდება. ბედნიერები ვართ იმით, რომ მთელი წლის განმავლობაში ახალ მანქანებს ვტესტავთ, მაგრამ საკუთარი მაინც სულ სხვაა. საავტომობილო ოცნება მაშინაა ასრულებული, როცა შენი ოცნების მანქანა საკუთარ ფარეხში გიდგას.

აი, მაგალითად, 7 აგვისტოს AUTO BILD-ის ფარეხში წლის პირველი ”ფორდ მუსტანგი” შემოვიდა. ფარეხი ქვემოთ გვაქვს, მაგრამ ამ მანქანის ხმა შენობის მეექვსე სართულზე, ოფისის ფინანსურ დეპარტამენტშიც კი ესმოდათ. ან 29 ოქტომბერი რად ღირს, როცა ჩვენთან პირველად შემოგოგმანდა ახალი BMW-ს ახალი ”მეშვიდე სერია”.

Auto Bild
AUTO BILD-ის სატესტო ავტომობილების ავტოფარეხი ჰამბურგში, აქსელ შპრინგერის საგამომცემლო სახლის ოფისში

ეს ისეთი მანქანებია, რომლებზეც ჩვენი ტესტ-კოორდინატორი გუნარ ჰაიში ყველას ერთსა და იმავეს ეუბნება ხოლმე: ”ის აქ არის!” ეს კი იმას ნიშნავს, რომ ჩვენი ოფისის ლიფტთან მაშინვე საცობი იქმნება - ყველა ხვდება, რომ ფარეხში განსაკუთრებული მანქანა შემოიყვანეს და ყველა ფარეხში ჩადის სანახავად, ხელის შესახებად, მოსასმენად.

ახლა კი გადავწყვიტეთ, რომ ჟურნალის ავტორებიც შთაბეჭდილებები შევაჯამოთ და წარმოგიდგინოთ 15 მანქანა, რომლებმაც წელს ჩვენზე ყველაზე დიდი შთაბეჭდილება მოახდინეს. როგორ შედგა ეს თხუთმეტეული? გუნარ ჰაიშმა 15 ავტორს ერთი კითხვა დაუსვა: ”წელს გატესტილებიდან რომელს იყიდდით?” შედეგად შედგა ეს TOP 15.

მე-15 ადგილი: Mercedes Maybach S 600

მე-14 ადგილი: BMW 7er

მე-13 ადგილი: Lamborghini Aventador

მე-12 ადგილი: Honda Civic Type R


მე-11 ადგილი: Porsche 911 GT3 RS

მე-10 ადგილი: Ford Mustang

მე-9 ადგილი: Opel Astra

დირკ ბრანკეს ფავორიტი
მე-8 ადგილი: Volvo XC90

Auto Bild

”ვოლვო” დაბრუნდა! სწორედ ეს არის ყველაზე მნიშვნელოვანი ამბავი, რომელსაც ეს Volvo XC90 გვამცნობს, რადგან ესაა პირველი სრულიად ახალი ”ვოლვო” საკმაოდ დიდი ხნის შემდეგ - ”ფორდის” ან სხვა უცხო ტექნიკის გარეშე. გარდა ამისა, XC90 ზოგადადაც ძალიან საინტერესო და მნიშვნელოვანი ავტომობილია. ეს გახლავთ SUV იშვიათი ელეგანტურობით და, მიუხედავად სიდიდისა, ყოველგვარი აგრესიის გარეშე.

Auto Bild

ავტომობილის ასე შესრულება ლამის მხოლოდ სკანდინავიელებს შეუძლიათ - ეს არის სოლიდურობისა და კომფორტის, ელეგანტურობისა და პრაქტიკულობის იდეალური ნაზავი. სერიოზული ტევადობა, შესანიშნავი სავარძლები, თანამედროვე მულტიმედია და უსაფრთხოების უახლესი ასისტენტ-სისტემები - Volvo XC90 ასი პროცენტით შემდგარი ავტომობილია.

მართალია, 4-ცილინდრიანი ძრავა შეიძლება ბევრს ეცოტავოს, მაგრამ Volvo XC90-ში ეს მხოლოდ გონივრულობის ნიშანია. 4-ცილინდრიანი ძრავა XC90-ის ტიპაჟს დიახაც უხდება.

Auto Bild

Volvo XC90 დიდი ზომის SUV-ია და აქვს ყველაფერი, რაც უნდა ჰქონდეს: ტევადია, პრაქტიკული, მდიდრული და კომფორტული. ამასთან, მოყვება შვედური შარმი, რომელშიც გონივრულობა, სტილი და უსაფრთხოება გემოვნებითაა შეზავებული.
დირკ ბრანკე

Auto Bild

ასევე იხილეთ:
მე-9 ადგილი: Opel Astra

Auto Bild


მე-10 ადგილი: Ford Mustang
Auto Bild


მე-11 ადგილი: Porsche 911 GT3 RS
Auto Bild


მე-12 ადგილი: Honda Civic Type R
Auto Bild


მე-13 ადგილი: Lamborghini Aventador
Auto Bild


მე-14 ადგილი: BMW 7er
Auto Bild


მე-15 ადგილი: Mercedes Maybach S 600

Auto Bild
article image
2016-08-24 11:19:51
”ოპელი” 2017 წლიდან ახალ ელექტრომობილს შემოგვთავაზებს. ეს გახლავთ Opel Ampera-e, რომელსაც BMW i3-ზე მეტი ძალა აქვს, აჩქარებით კი ”ოპელის” სპორტულ მოდელებსაც კი გაუწევს კონკურენციას.
article image
Cat Image
2016-08-01 12:17:55
ფრთხილად, გერმანულო ბრენდებო! SUV-კლასში Jaguar F-Pace-ის სახით სერიოზული მატებაა. მოდი, ვნახოთ, რას გვთავაზობს ეს ინგლისელი
article image
Cat Image
2016-07-28 13:15:11
ბევრი იფიქრეს, თუ ცოტა, Manhart-ის ტიუნერებმა გადაწყვიტეს, BMW M2-ზე წაემუშავათ.
სხვა სიახლეები
24.08.2016
მართალია, წარწერა ”750 Li” სწორედ BMW-ს მარკის ლუქს-ავტომობილზე მიუთითებს, მაგრამ ეს ის არ არის
სრულად
24.08.2016
”ოპელი” 2017 წლიდან ახალ ელექტრომობილს შემოგვთავაზებს. ეს გახლავთ Opel Ampera-e, რომელსაც BMW i3-ზე მეტი ძალა აქვს, აჩქარებით კი ”ოპელის” სპორტულ მოდელებსაც კი გაუწევს კონკურენციას.
სრულად
22.08.2016
იაპონურ ავტომობილებს ჩვენში პატივისცემა ისედაც არ აკლიათ, მაგრამ მაინც: ეს 10 სპორტული იაპონელი ყველა ავტომოყვარულმა უნდა დააფასოს!
სრულად