გაიცანით: BMW-ს ყველა დროის ყველაზე მძლავრი სერიული შვიდიანი
გაიცანით: BMW-ს ყველა დროის ყველაზე მძლავრი სერიული შვიდიანი
12.02.2016
M760Li BMW-ს ახალი ტოპ-მოდელია. ბავარიელთა ”ლუქსლაინერს” Turbo-V12-ით და სრული ამძრაობით ჟენევაში ვნახავთ. ეს გახლავთ ყველა დროის ყველაზე მძლავრი სერიული შვიდიანი!

Auto Bild

M760Li xDrive-ის სახით BMW ჟენევის ავტოშოუზე (3-დან 13 მარტამდე) თავის ახალ ფლაგმანს წარმოგვიდგენს, რომელიც V12 ძრავით იქნება აღჭურვილი. მეშვიდე სერიის ამ მომავალი ტოპ-მოდელის სიმძლავრე 600 ცხენის ძალაა, ბრუნის მაქსიმალური მომენტი კი - 800 ნმ.

M760Li-ს ექნება სრულიად ახალი Turbo-V12 აგრეგატი. თუკი წინა თაობის 760Li (F01) თავის 544 ცხენის ძალას 6-ლიტრიანი V12-ძრავისგან იღებდა, ახალ M760Li-ს შემთხვევაში ძრავის მოცულობა გაზრდილია. მას (G11) 6,6-ლიტრიანი ძრავა აქვს, რომლის სიმძლავრე 600 ცხენის ძალაა. უკანა თვლებზე ორიენტირებული სრული ამძრაობით (xDrive) და განახლებული 8-საფეხურიანი ავტომატური გადაცემათა კოლოფით, M760Li 100 კმ/სთ-მდე 3,9 წამში ჩქარდება. M Driver's Package-ით მისი მაქსიმალური სისწრაფე 305 კმ/სთ-ია, სხვა შემთხვევაში კი - 250 კმ/სთ.

Auto Bild

ე.წ. ინტეგრალ-აქტიური-მოხვევა ამ ლუქსლაინერს სერიულად მოყვება, ხოლო განახლებული გამოსაბოლქვი სისტემა კი ექსკლუზივია და ამ ავტომობილისთვის დამახასიათებელ ჟღერადობაზე ზრუნავს. მიუხედავად სპორტული მიდრეკილებისა, BMW-ში პირობას დებენ, რომ ავტომობილის კომფორტი არ დაზარალდება. მიუნხენელთა თქმით, სავალი ნაწილი Executive Drive Pro სვლის დინამიკას კი აუმჯობესებს, მაგრამ კომფორტზე ნეგატიურად არ აისახება.

Auto Bild

ინტერიერში მეტი მდიდრულობისთვის Napa-ს ტყავი და უმაღლესი ხარისხის სხვადასხვა დეტალებია გამოყენებული. აღსანიშნავია გასართობ-საინფორმაციო სისტემა უკან მსხდომთათვის და აქვე ვთქვათ, რომ M760Li მხოლოდ გრძელი, Long-ვერსიით იქნება ხელმისაწვდომი. გარდა ამისა, ამ ავტომობილს ჩვეულებრივი ვერსიისგან M-ის ტყავის საჭე, V12-წარწერები და განახლებული სპიდომეტრიც (მაქსიმუმი: 330 კმ/სთ) გამოარჩევს.

Auto Bild
Auto Bild

გარდა ამისა, ყველაზე მძლავრი მეშვიდე სერია ექსკლუზიური, M-ის 20-დუიმიანი დისკებითაც გამოირჩევა და მას M-ის აეროდინამიკური პაკეტითაც იოლად იცნობთ. თუ მაინც ვერ იცანით, მაშინ ამ ყველაფერს C-საყრდენებზე დატანილი V-12-ემბლემები ან უკანა წარწერა მიგახვედრებთ.

ჯერ უცნობია, ზუსტად როდის დაიწყება BMW-ს ახალი ტოპ-მოდელის გაყიდვები, ან რა ეღირება ეს ავტომობილი.

Auto Bild
Auto Bild
Auto Bild

ასევე იხილეთ:
გაიცანით: Alpina B7 – BMW-ს მეშვიდე სერიის სპეც-ვერსია
Auto Bild


ასევე იხილეთ:
BMW-ს ახალი ლუქს-ლიმუზინი:
ყველაფერი ახალი მე-7 სერიის შესახებ

Auto Bild


BMW-მ ლას ვეგასში მომავალი გვიჩვენა! (+ VIDEO)
Auto Bild


ლუქსი გერმანულად: ახალი მე-7 სერია და S-კლასი
Auto Bild


იხილეთ ფოტოგალერეა:
რა შეიცვალა ახალ მე-7 სერიაში
წინამორბედ მოდელთან შედარებით?
Auto Bild


BMW M4 GTS-ის გადასარევი წრე ნიურბურგრინგზე (+ VIDEO)
Auto Bild


გაიცანით: ყველაზე მძლავრი BMW X4
Auto Bild


BMW-ს ძველი სამი მუშკეტერი
Auto Bild
ბეჭდვა
ტეგები:
BMW,
article image
2017-04-25 06:00:00
ჟენევის ავტოშოუდან ლონდონის ქუჩებისკენ - AUTO BILD-მა I-Pace-ით ექსკლუზიურად გაისეირნა
article image
Cat Image
2017-04-24 06:59:58
„ჩელენჯერ დემონი“ - ასე ჰქვია „დოჯის“ უჩვეულოდ მძლავრ ”მასქლ ქარს”, რომელიც თავად ფილმ „ფორსაჟის“ მთავარი როლის შემსრულებელმა ვინ დიზელმა წარადგინა.
article image
Cat Image
2017-04-19 09:13:41
განახლების შემდეგ, Mercedes ”S-კლასმა” ახალი ძრავები და ასისტენტ-სისტემები მიიღო. ყველაფერი ფეისლიფტის შესახებ!
სხვა სიახლეები
27.04.2017
გადაწყვეტილი და ახლა უკვე ოფიციალურად დადასტურებული ამბავია, რომ 2019 წლიდან ”აუდი” Q3-სა და Q5-ს შორის არსებულ სიცარიელეს ახალი მოდელით შეავსებს, რომელსაც, რა თქმა უნდა, Q4 ეწოდება.
სრულად
27.04.2017
ჩინეთი დღეს ყველა საავტომობილო კომპანიისთვის მიმზიდველი ბაზარია. სხვანაირად ვერც იქნება, რადგან იქ მსოფლიოში ყველაზე მეტი ავტომობილი იყიდება. მაგრამ ადრე ასე არ იყო
სრულად
27.04.2017
გავრცელებული ინფორმაციით, ახალ „ტოიოტა სუპრას“, რომელზეც იაპონური კომპანია BMW-სთან ერთად მუშაობს, ბავარიელთა მიერ შემუშავებული აგებულება და აღჭურვილობა ექნება.
სრულად
ახალი ნომერი