შესანიშნავი შვიდეული? ვინ არიან Top Gear-ის ახალი წამყვანები
შესანიშნავი შვიდეული? ვინ არიან Top Gear-ის ახალი წამყვანები
16.02.2016
BBC-მ Top Gear-ის ახალი გუნდი წარმოადგინა. ეს გახლავთ ახალი, 7 ექსპერტით დაკომპლექტებული გუნდი. გაიცანით ისინი!

მაშ ასე: Top Gear-ის ახალი გუნდი უკვე დაკომპლექტებულია. ამერიკელი მსახიობის, მეტ ლებლანის და კრის ევანსის შემდეგ, გადაცემისთვის სხვა წამყვანებიც შერჩეულია: რორი რეიდი, საბინე შმიტცი, კრის ჰარისი, ედი ჯორდანი და, რა თქმა უნდა, სტიგი.

Auto Bild

საბინე შმიტცი გერმანელია და მას ნიურბურგრინგის ”ნორდშლაიფეს” დედოფალს უწოდებენ. ის არაერთხელ ყოფილა Top Gear-ში და ერთხელ, ერთ-ერთ რბოლაში თვით ჯერემი კლარკსონიც კი დაამარცხა. ერთხელ საბინემ ”ნორდშლაიფეს” გავლა 10 წუთში სცადა და ძალიან ცოტა დააკლდა - აქ მთავარი ის არის, რომ საბინე ამ მიზნის მიღწევას Ford Transit-ით ცდილობდა!

იხილეთ ვიდეო: საბინე შმიტცი Ford Transit-ით ნიურბურგრინგზე


კრის ჰარისი ჟურნალისტი გახლავთ და BBC-ში ყველაზე მეტად ის მოსწონთ, რომ ეს ადამიანი მუდმივად ახერხებს ავტომობილების შესახებ სრულიად ახალი, მანამდე უცნობი და ყველასათვის საინტერესო დასკვნების გაკეთებას. ავტომოყვარულები და Youtube-ის მომხმარებლები მას თავისი საკუთარი სერიებით ”Chris Harris on Cars” იცნობენ.

იხილეთ ვიდეო: Ford Mustang GT - Chris Harris on Cars



თავისუფალ დროს ჰარისი მეორად ავტომობილებს რალის ბოლიდებად ამზადებს ხოლმე.

იხილეთ ვიდეო


ედი ჯორდანი Top Gear-ის ახალ გუნდში ყველაზე ასაკოვანი წამყვანია. ყოფილი მრბოლელი და ფორმულა 1-ის გუნდის მფლობელი ირლანდიელია და მან ისეთი ავტომროლები აღმოაჩინა, როგორებიც არიან რუბენს ბარიკელო, ედი ირვაინი და თვით მიხაელ შუმახერი. ჯორდანს საავტომობილო სფეროში თითქმის ყველაფერი ნანახი და გამოცდილი აქვს.

Auto BildAuto Bild
ედი ჯორდანი და საბინე შმიტცი

აი, რორი რეიდი კი ყველაზე ნაკლებად ცნობილი პიროვნებაა. ეს გახლავთ ბრიტანელი ავტოჟურნალისტი, რომელიც ამ სფეროში 20 წელია მოღვაწეობს და რომელმაც Top Gear-ის წამყვანის როლი კასტინგით მოიგო.

რაც შეეხება მსახიობ მეტ ლებლანს - ის ამერიკული სერიალიდან, Friends-იდანაა ცნობილი და დიდი ავტომოყვარულია. ლებლანმა 2012 წელს გადაცემის სატესტო ტრეკზე დღემდე საუკეთესო შედეგი აჩვენა. ერთხელ კი სტიგთან ერთად გატესტა ”მაკლარენი”.

იხილეთ ვიდეო


ლებლანი და შმიტცი Top Gear-ის 40-წლიან ისტორიაში პირველი არაბრიტანელი წამყვანები იქნებიან. გარდა ამისა, შმიტცი Top Gear-ის გუნდში პირველი ქალია ბოლო 15 წლის განმავლობაში.

Auto Bild
ძველი გვარდია (ჰამონდი, კლარკსონი და მეი) ახალ შოუზე მუშაობენ, რომელიც Amazon-ზე გავა

შეგახსენებთ, რომ ჯერემი კლარკსონი BBC-დან ცნობილი სკანდალის შემდეგ 2015 წლის მარტის ბოლოს დაითხოვეს, რასაც გადაცემიდან მისი კოლეგების, მეისა და ჰამონდის წასვლაც მოჰყვა. ეს სამეული ახლა ახალ გადაცემაზე მუშაობს, რომელიც Amazon-ზე გავა.

ასევე იხილეთ:
ჯერემი კლარკსონის 10 ცნობილი გამონათქვამი
Auto Bild


კლარკსონი: მეგონა, რომ კიბო მქონდა!
Auto Bild
article image
2017-01-10 11:12:03
”ტოიოტამ” დეტროიტის ავტოშოუზე ახალი Camry წარმოადგინა. იაპონელთა ბესტსელერს აშშ-ის ბაზარზე ახლა უფრო ემოციური დიზაინი აქვს და ახალი ძრავებიც მიიღო.
article image
Cat Image
2017-01-09 12:09:06
ახალი ცხვირი, ახალი ტექნიკა: ”მერსედესმა” თავისი კომპაქტური SUV, პოპულარული GLA განაახლა.
article image
Cat Image
2017-01-04 12:02:45
”კიამ” ახალი ”პიკანტოს” პირველი ოფიციალური ფოტოები გამოაქვეყნდა, რომლებზეც კორეელთა მცირელიტრაჟიანი
სხვა სიახლეები
19.01.2017
გამოსვლის დღიდან, BMW M2-მა უამრავი ქება-დიდება დაიმსახურა. ბევრი მას გერმანული კომპანიის M-მოდელებს შორის, ყველა დროის ერთ-ერთ საუკეთესოსაც კი უწოდებს.
სრულად
19.01.2017
ამ ავტომობილის შესახებ, შესაძლოა, გერმანული კომპანიის ბევრ თავგამოდებულ ფანსაც არაფერი სმენია.
სრულად
19.01.2017
რა შუაშია საბჭოური, მოძველებული და თანამედროვე მოთხოვნებთან შეუსაბამო უაზ-ი? საქმე ისაა, რომ ეს უგზოობის ავტომობილი ამომავალი მზის ქვეყანაში საკმაოდ პოპულარული ყოფილა.
სრულად
ახალი ნომერი