ვეირონი გუშინ იყო, გაიცანით ახალი Bugatti Chiron!
ვეირონი გუშინ იყო, გაიცანით ახალი Bugatti Chiron!
01.03.2016
”ბუგატის” შეფი ვოლფგანგ დიურკჰაიმერი ამბობს, ამ ავტომობილმა ფიზიკის საზღვრები გადაწიაო. ”ბუგატის” შეფ-დიზაინერი ახიმ ანშაიდტი კი დასძენს: ”ამ მომენტს 10 წელი ველოდით. Chiron ერთდროულად ურჩულიცაა და მზეთუნახავიც!”

Auto Bild

ორივე მათგანი მართალია, რადგან ის, რაც მათ ჟენევის ავტოშოუზე წარმოადგინეს, ნამდვილად საუკეთესო ეპითეტებს იმსახურებს. იმიტომ, რომ ეს მართლაც გრანდიოზული ავტომობილია: ახალი Bugatti Chiron!

Auto Bild

სიმძლავრე? 1500 ცხენის ძალა! ბრუნის მაქსიმალური მომენტი? 1600 ნიუტონმეტრი! აჩქარება 0-დან 100 კმ/სთ-მდე 2,5 წამზე ნაკლებ დროში!!! მაქსიმალური სიჩქარე? 420 კმ/სთ. და უნდა გითხრათ, რომ ასეთ მონაცემებს სხვა ვერცერთ სუპერსპორტულ ავტომობილში ვერ ნახავთ!

Auto Bild

ძირითადად კარბონისგან და ალუმინისგან დამზადებულ კუპეს წინ 8 სახასიათო LED-მაშუქი აქვს, მისი უმთავრესი ღირსება კი მაინც ძრავაა: 16-ცილინდრიანი მონსტრი აგრეგატი, რომელიც სავარძლების უკანაა ჩადგმული. Bugatti Chiron, რა თქმა უნდა, სრული ამძრაობით იწარმოება. ძრავის მოცულობა 8 ლიტრია, 4 ტურბოდამბერი ემსახურება და მაქსიმალური აქსელერაციის დროს იმდენ საწვავს მოიხმარს, რომ თუ მაქსიმუმით ივლი, 100-ლიტრიანი ავზი 8 წუთში დაიცლება. ”ბუგატის” ჯერ არ უთქვამს, რამდენია საწვავის საშუალო ხარჯი ჩვეულებრივ რეჟიმში, მაგრამ განა ეს ვინმეს აინტერესებს?

Auto Bild
Auto Bild

რამდენადაც ექსტრემალურია თითქმის 2-ტონიანი Chiron-ის მონაცემები, იმდენად ექსტრემალურია მისი ფასიც. ჯერ მარტო შეკვეთის დროს 200 000 ევრო უნდა გადაიხადო, მერე კი, ხელით შექმნილ ავტომობილს დაახლოებით ნახევარ წელიწადში რომ ჩაგაბარებენ, ფასი მინიმუმ 2,86 მილიონ ევრომდე აიწევს. სწორედ ეს არის ახალი ”ბუგატის” მინიმალური ფასი.

Auto Bild

მიუხედავად ამისა, 4,54 მეტრი სიგრძისა და 2 მეტრზე ოდნავ მეტი სიგანის მქონე მანქანას უკვე რიგები დაუდგა. ”ბუგატის” ინფორმაციით, წინასწარ 500 ეგზემპლარის შექმნა დაიგეგმა და აქედან ერთი მესამედი უკვე გაყიდულია! სუპერ-ავტომობილის პირველ ეგზემპლარებს, რომელსაც სახელწოდება Chiron ცნობილი ავტომრბოლის, ლუი შირონის პატივსაცემად დაარქვეს, ბედნიერი მფლობელები შემოდგომაზე მიიღებენ.

Auto Bild
Auto Bild
Auto Bild
Auto Bild
Auto Bild

ასევე იხილეთ:
1500 კილომეტრი ბუგატით
Auto Bild


შეიხების უძვირფასესი მანქანები (+ ფოტოგალერეა)
Auto Bild


ვემშვიდობებით ბუგატი ვეირონს!
Auto Bild


2000-ცხენისძალიანი დუელი: ფერარიმ ბუგატის გაასწრო! (+VIDEO)
Auto Bild


მესის, რონალდოს და სხვა ვარსკვლავების მანქანები
Auto Bild
ბეჭდვა
ტეგები:
article image
2017-04-25 06:00:00
ჟენევის ავტოშოუდან ლონდონის ქუჩებისკენ - AUTO BILD-მა I-Pace-ით ექსკლუზიურად გაისეირნა
article image
Cat Image
2017-04-24 06:59:58
„ჩელენჯერ დემონი“ - ასე ჰქვია „დოჯის“ უჩვეულოდ მძლავრ ”მასქლ ქარს”, რომელიც თავად ფილმ „ფორსაჟის“ მთავარი როლის შემსრულებელმა ვინ დიზელმა წარადგინა.
article image
Cat Image
2017-04-19 09:13:41
განახლების შემდეგ, Mercedes ”S-კლასმა” ახალი ძრავები და ასისტენტ-სისტემები მიიღო. ყველაფერი ფეისლიფტის შესახებ!
სხვა სიახლეები
27.04.2017
გადაწყვეტილი და ახლა უკვე ოფიციალურად დადასტურებული ამბავია, რომ 2019 წლიდან ”აუდი” Q3-სა და Q5-ს შორის არსებულ სიცარიელეს ახალი მოდელით შეავსებს, რომელსაც, რა თქმა უნდა, Q4 ეწოდება.
სრულად
27.04.2017
ჩინეთი დღეს ყველა საავტომობილო კომპანიისთვის მიმზიდველი ბაზარია. სხვანაირად ვერც იქნება, რადგან იქ მსოფლიოში ყველაზე მეტი ავტომობილი იყიდება. მაგრამ ადრე ასე არ იყო
სრულად
27.04.2017
გავრცელებული ინფორმაციით, ახალ „ტოიოტა სუპრას“, რომელზეც იაპონური კომპანია BMW-სთან ერთად მუშაობს, ბავარიელთა მიერ შემუშავებული აგებულება და აღჭურვილობა ექნება.
სრულად
ახალი ნომერი