BMW წიწაკით
BMW წიწაკით
07.03.2016
M2-ს დედიკოს ბიჭები არ უნდა მიეკარონ და ვინც მიეკარება, ნამდვილად არ მოიწყენს. მიუხედავად ამისა, BMW-მ ის მაინც გაამძაფრა - M-Performance პროგრამის დეტალებით

აინ მომენტ! რა ხდება, მიუნხენში გააფრინეს? ახალთახალი M2 ქუჩებში ჯერ არ გამოჩენილა და უკვე M-Performance-ის ოფციებით გამძაფრებული ვერსიაც წარმოგვიდგინეს. ამრიგად, ავტოსპორტის სარბოლო დეტალებით გაფორმებული M2 კიდევ უფრო მეტად ”იღრინება”, მეტად აგრესიულია და მაშინვე შეტევაზე გადასვლა უნდა. არც მისი ჩვეულებრივი ვერსიაა თავმდაბალი და, წარმოგიდგენიათ, ეს რა იქნება?! შესაბამისად, ამ მძლავრ კუპეს აქვს პატარა ფრთები უკანა საბურავების წინ, ვერტიკალური კანტი საბარგულის სახურავზე და დიფუზორი უკან.

Auto Bild
ბრაზიანი გამოხედვა: ეს ცხვირი თავისი დინამიკური აქცენტებით ბევრი ავტომობილის სალონის სარკეში ძალიან სწრაფად გაიზრდება...

ყველაფერი კარბონისაა, სუფთადაა დამუშავებული და იდეალურად შერწყმული, რათა ამ მოქნილ ბავარიელს აეროდინამიკური ბალანსი ოდნავადაც არ დაერღვეს. მეტი ვიზუალური ეფექტისთვის ჩვენი ეგზემპლარი M GmbH-ს ფერებში გადაწყვეტილი დეკორაციებითაა შემკული. ამით ეს M2 ძველ 2002 turbo-ს ან ლეგენდარულ CSL-ს მოგაგონებთ 70-იანი წლებიდან. ესეც კიდევ ერთი მიზეზი, რის გამოც ის კარგი გასართობია.

Auto Bild
BMW M2 Performance ჩვენმა ავტორმა პეტერ ფიშერმა მოინახულა

BMW-მ M2-ის ამ ვერსიას ინტერიერშიც ბევრი წიწაკა მოაყარა და ავტოსპორტის პიკანტური გემო გამოუვიდა. მძღოლს აუცილებლად მოეწონა ალკანტარიანი M-Performance-საჭე ობლიგატორული ნიშნით, რომელიც დრიფტის დროს წინა თვლების მიმართულებაზე მიგვანიშნებს. სურვილის შემთხვევაში, ამ M2-ის ინტერიერში სერიულ ვერსიაზე მეტ კარბონის დეტალებს მიიღებთ - მაგალითად, 7-საფეხურიანი გადაცემათა კოლოფის ბერკეტს და ხელის მუხრუჭის ბერკეტს.

Auto Bild
სპორტული საჭე Performance-განყოფილებიდან

რაც შეეხება ტექნიკურ მხარეს: ამ მხრივ BMW შედარებით მოკრძალებულია, რათა M2-მა M4-მდე გონივრული დისტანცია შეინარჩუნოს. ამრიგად, ტურბოძრავის სიმძლავრე ისევ 370 ცხენის ძალაა, ბრუნის მაქსიმალური მომენტი კი - 465 ნმ (გარკვეულ მომენტებში 500 ნმ, მაგრამ მცირე ხნით). ასეთ სიმძლავრესთან ერთად, სასურბელია M Driver’s Package-ის აქტივაციაც, რომელიც 270 კმ/სთ-იან მაქსიმალურ სისწრაფეს უზრუნველყოფს.

Auto Bild
M2 Performance-ში გადაცემათა კოლოფის ბერკეტიც კარბონითაა შემოსილი

ცალკე აღნიშვნის ღირსია M2-ის სპორტული მაყუჩები: ჩვენ ეს მანქანა ჯერ არ გაგვიტესტია, სტუდიაში დაქოქვამ კი, ჟღერადობის მხრივ ნამდვილი ფურორი მოახდინა. 3 ლიტრი მოცულობის 6-ცილინდრიანი ძრავა გადასარევად მუშაობს და ისეთ ხმას გამოსცემს, თმები ყალყზე დაგიდგება. ვისაც უფრო ბოროტი ხმის მიღება უნდა, ჯოჯოხეთურ ჟღერადობაზე გადართავს და დისტანციურად გახსნის გამოსაბოლქვი სისტემის ყველა სარქველს, მაგრამ გახსოვდეთ - ამის გაკეთება მხოლოდ სარბოლო ტრასაზეა ლეგალური.

სამაგიეროდ, აკრძალული არ არის ამ მანქანაში 50 000 ევროზე მეტის გადახდა. ოღონდ, ასეთი ავტომობილი რომ შეიძინო, ცოტას მართლა უნდა აფრენდე.

Auto Bild

დასკვნა
წიწაკიანი ვიზუალი, მწარე ჟღერადობა და მარილიანი ფასი - M2 ისედაც ძალიან მაგარი სათამაშოა, M-Performance-Parts-ით კი უფრო დასაფასებელი და ფაქტობრივად საკოლექციო ტიპია. ყველაზე კარგი ისაა, რომ მიუხედავად ტიუნინგური ჩარევისა, ის მაინც 100-პროცენტიანი BMW გახლავთ.
პეტერ ფიშერი

ასევე იხილეთ:
BMW-ს ახალი, ლიმიტირებული ზონდერი
Auto Bild


გაიცანით: BMW-ს ყველაზე მძლავრი სერიული შვიდიანი
Auto Bild


გაიცანით: Alpina B7 – BMW-ს მეშვიდე სერიის სპეც-ვერსია
Auto Bild


ასევე იხილეთ:
BMW-ს ახალი ლუქს-ლიმუზინი:
ყველაფერი ახალი მე-7 სერიის შესახებ

Auto Bild


BMW-მ ლას ვეგასში მომავალი გვიჩვენა! (+ VIDEO)
Auto Bild


ლუქსი გერმანულად: ახალი მე-7 სერია და S-კლასი
Auto Bild


იხილეთ ფოტოგალერეა:
რა შეიცვალა ახალ მე-7 სერიაში
წინამორბედ მოდელთან შედარებით?
Auto Bild


BMW M4 GTS-ის გადასარევი წრე ნიურბურგრინგზე (+ VIDEO)
Auto Bild


გაიცანით: ყველაზე მძლავრი BMW X4
Auto Bild


BMW-ს ძველი სამი მუშკეტერი
Auto Bild
ბეჭდვა
ტეგები:
BMW,
article image
2016-08-24 11:19:51
”ოპელი” 2017 წლიდან ახალ ელექტრომობილს შემოგვთავაზებს. ეს გახლავთ Opel Ampera-e, რომელსაც BMW i3-ზე მეტი ძალა აქვს, აჩქარებით კი ”ოპელის” სპორტულ მოდელებსაც კი გაუწევს კონკურენციას.
article image
Cat Image
2016-08-01 12:17:55
ფრთხილად, გერმანულო ბრენდებო! SUV-კლასში Jaguar F-Pace-ის სახით სერიოზული მატებაა. მოდი, ვნახოთ, რას გვთავაზობს ეს ინგლისელი
article image
Cat Image
2016-07-28 13:15:11
ბევრი იფიქრეს, თუ ცოტა, Manhart-ის ტიუნერებმა გადაწყვიტეს, BMW M2-ზე წაემუშავათ.
სხვა სიახლეები
26.08.2016
რუსული ავტომწარმოებელი ”ლადა” მოსკოვის მოტორშოუზე რამდენიმე ახალ კონცეპტს გვიჩვენებს
სრულად
24.08.2016
მართალია, წარწერა ”750 Li” სწორედ BMW-ს მარკის ლუქს-ავტომობილზე მიუთითებს, მაგრამ ეს ის არ არის
სრულად
24.08.2016
”ოპელი” 2017 წლიდან ახალ ელექტრომობილს შემოგვთავაზებს. ეს გახლავთ Opel Ampera-e, რომელსაც BMW i3-ზე მეტი ძალა აქვს, აჩქარებით კი ”ოპელის” სპორტულ მოდელებსაც კი გაუწევს კონკურენციას.
სრულად
ახალი ნომერი