როდის და როგორ უნდა გამოიყენოს მძღოლმა მუხრუჭი?
როდის და როგორ უნდა გამოიყენოს მძღოლმა მუხრუჭი?
15.03.2016
სამუხრუჭე სისტემა პასუხს აგებს თქვენი, თანამგზავრების და საგზაო მოძრაობის სხვა წევრების უსაფრთხოებაზე. შესაბამისად, მისი მოვლა და ზოგადად მუხრუჭის სწორად გამოყენება ერთ-ერთი ყველაზე საპასუხისმგებლო საქმეა. გთავაზობთ რამდენიმე რჩევას დამუხრუჭებასთან დაკავშირებით წიგნიდან ”ავტომრჩეველი - ის, რაც ყველა მძღოლმა უნდა იცოდეს”. როგორც უკვე იცით, ამ წიგნის პირველი ნაწილი ჟურნალ ”AUTO BILD საქართველოს” მარტის ნომერთან ერთად იყიდება (წიგნის სპეციალური ფასი - 2 ლარი, ჟურნალთან ერთად - 5 ლარი).

► ავტომობილს მოძრაობის მიმართულების შეცვლა მხოლოდ იმ შემთხვევაში შეუძლია, როცა მისი წამყვანი თვლები არ არის დაბლოკილი. გაითვალისწინეთ ეს, როცა ამუხრუჭებთ.
Auto Bild
► არ გაიაროთ ორმოები მოქმედებაში მოყვანილი მუხრუჭებით. დარტყმა ტრანსმისიაზე, როგორც წესი, რამოდენიმეჯერ ძლიერია, ვიდრე მუხრუჭის გარეშე.

► “მწოლიარე პოლიციელის”, ან სხვა სახის შემაღლების გავლა შემდეგნაირადაა რეკომენდებული: დაბრკოლების დანახვისას წინასწარ დაამუხრუჭეთ და უშუალოდ დაბრკოლების წინ აუშვით მუხრუჭს ფეხი. ავტომანქანის წინა ნაწილი ინერციით განიტვირთება და დაბრკოლება უჩვეულოდ მსუბუქად გადაილახება.

► თუ არ შეგიძლიათ სრულყოფილად შეაფასოთ მოსახვევის კუთხე, დაამუხრუჭეთ წინასწარ, ხოლო მოსახვევში შესვლისას გაათავისუფლეთ მუხრუჭები.

► თუ თქვენ მოძრაობთ მსუბუქი ავტომობილით და უკან მოგყვებათ სატვირთო ავტომანქანა, ნუ დაამუხრუჭებთ მოულოდნელად - სატვირთო მანქანის სამუხრუჭე მანძილი გაცილებით დიდია თქვენი ავტომობილის სამუხრუჭე მანძილზე.

► თუ გთხოვენ გზაზე გაჩერებას, დაიცავით უსაფრთხოების ყველა წესი. უმჯობესია რამდენიმე ათეული მეტრით მეტი გაიაროს მომავალმა თანამგზავრმა, ვიდრე შექმნათ საშიში საავარიო სიტუაცია, ან დააბრკოლოთ სხვა ავტომობილები.

► თუ თქვენი ავტომობილის ძრავა სტანდარტულთან შედარებით გაძლიერებულია (ჩიპ-ტუნინგი და ა.შ. ), არ დაგავიწყდეთ სამუხრუჭე სისტემის გაუმჯობესება. გახსოვდეთ, რომ შესაძლოა ქარხნულმა სამუხრუჭე სისტემამ გიმტყუნოთ კრიტიკულ სიტუაციაში.

► სამუხრუჭე სისტემა პასუხს აგებს თქვენი, თანამგზავრების და საგზაო მოძრაობის სხვა წევრების უსაფრთხოებაზე. ამდენად მისი მოვლა ერთ-ერთი ყველაზე საპასუხისმგებლო საქმეა. ხარისხიანი სამუხრუჭე ხუნდები, შესაბამისი, მწარმოებლის მიერ რეკომენდირებული, ხარისხიანი სამუხრუჭე სითხე, სამუხრუჭე აგრეგატების დროული კონტროლი და შემოწმება ჟანგზე და მოქნილობაზე - თავიდან აგარიდებთ უბედურ შემთხვევებს და კრიტიკულ სიტუაციაში გადამწყვეტ როლს შეასრულებს.

► ასევე გაითვალისწინეთ, რომ ავტომობილის სტოპ-მაშუქებს (ე.წ. ”სტოპებს”) თქვენი და სხვა მძღოლების უსაფრთხოებისთვის უდიდესი მნიშვნელობა აქვს. ნათურის გამოცვლა არ არის ძვირი, სტოპ-მაშუქების გამართული მუშაობა კი აუცილებელია! თქვენს უკან მომავალი ავტომობილის მძღოლმა უნდა იცოდეს, როდის ამუხრუჭებთ.
გოგა გაგნიძე

► AUTO BILD-ის მარტის ნომერთან ერთად: "ავტომრჩეველი - ის, რაც ყველა მძღოლმა უნდა იცოდეს" (I ნაწილი)

► წიგნის სპეციალური ფასი - 2 ლარი; ჟურნალთან ერთად - 5 ლარი

► იკითხეთ პრესის გამავრცელებლებთან

ასევე იხილეთ
რა უნდა გაითვალისწინოს მძღოლმა გასწრების დროს?

Auto Bild


ინფორმაცია წიგნის შესახებ
Auto Bild
ბეჭდვა
article image
2017-03-22 06:54:50
”ფორდის” ლეგენდად ქცეული 3-ცილინდრიანი ძრავის უპირატესობაში კიდევ ერთხელ დავრწმუნდით - ეს აგრეგატი ”ფოკუსს” განსაკუთრებით უხდება
article image
Cat Image
2017-03-17 09:18:38
ჟენევაში ჩასვლამდე, „ლამბორგინიმ“ თავის სუპერქარ „ურაკანის“ უახლესი, ყველაზე ტემპერამენტიანი ვერსია, მეტსახელად „პერფორმანტე“ (შემსრულებელი) ნურბურგრინგის ტრეკზე გაიყვანა
article image
Cat Image
2017-03-14 06:43:42
„მაკლარენმა“ ჟენევის ავტოშოუზე, თავისი უახლესი სუპერავტომობილი, 720S წარადგინა
სხვა სიახლეები
24.03.2017
ამიხსენით, ყველას სამკვდრო-სასიცოცხლო საქმე როგორ აქვს? თუ, საქართველოში ყველა საქმე სამკვდრო-სასიცოცხლოა?
სრულად
23.03.2017
2017 წელს, ფორმულა 1-ში სულ 20 ეტაპი გაიმართება - ერთით ნაკლები, ვიდრე 2016 წელს. ჩემპიონატი 26 მარტს, ავსტრალიაში აიღებს სტარტს
სრულად
22.03.2017
”ფორდის” ლეგენდად ქცეული 3-ცილინდრიანი ძრავის უპირატესობაში კიდევ ერთხელ დავრწმუნდით - ეს აგრეგატი ”ფოკუსს” განსაკუთრებით უხდება
სრულად
ახალი ნომერი