ყველაფერი ახალი სუბარუ იმპრეზას შესახებ
ყველაფერი ახალი სუბარუ იმპრეზას შესახებ
25.03.2016
”სუბარუმ” ნიუ იორკში ახალი ”იმპრეზა” წარმოადგინა. რა შეუძლია ამ სრულამძრავიან, Boxer-ძრავიან ავტომობილს, რომელიც 20 000 ევროზე ნაკლები ეღირება?

ზოგადად, ავტომწარმოებლები ძალიან მარტივად ხმარობენ ხოლმე ტერმინებს ”ახალი მოდელი” ან ”განახლებული მოდელი”, სინამდვილეში კი ერთ უბრალოდ ფეისლიფტთან გვაქვს ხოლმე საქმე. აი, ”სუბარუმ” კი, თავისი ”იმპრეზა” რეალურად განაახლა.

Auto Bild

განახლებული ”იმპრეზა” ახალ პლატფორმაზეა აწყობილი და სწორედ ამ პლატფორმას გამოიყენებს ”სუბარუ” მომავალში სხვადასხვა მოდელებისთვის - მათ შორის, ჰიბრიდისთვის, Plug-in-ჰიბრიდისთვის და ელექტრომობილებისთვისაც. თავად ”იმპრეზა” კი თავიდან 2 ლიტრი მოცულობის 4-ცილინდრიანი Boxer-ძრავითაა წარმოდგენილი, მაგრამ იაპონელებმა ეს აგრეგატიც განაახლეს. თუკი მანამდე მისი სიმძლავრე 150 ცხენის ძალა იყო, ახლა 154 ცხენის ძალაა. ძრავა ახლა უფრო ღრმადაა ჩადგმული და ზოგადად, სრულიად განახლებულია მთლიანი არქიტექტურა და იაპონელები ძალიან ამაყობენ იმით, რომ სიმძიმის ცენტრმა დაიწია. ახალი ”იმპრეზა”, რა თქმა უნდა, სრული ამძრაობითაა წარმოდგენილი. რაც შეეხება ტრანსმისიას: ხელმისაწვდომია როგორც 7-საფეხურიანი ავტომატიკა, ისე მექანიკური გადაცემათა კოლოფი.

Auto Bild

დიზაინის თვალსაზრისით ”სუბარუმ” ფრთხილი ნაბიჯები გადადგა. ახალ თაობაზე პირველ რიგში რადიატორის ცხაურა და ვიწრო მაშუქები მიანიჩნებენ. თვლების ბაზა 2,5 სანტიმეტრით, 2,67 მეტრამდე გაიზარდა. იაპონელები, რა თქმა უნდა, გაუმჯობესებულ მანევრულობას და მართვადობას გვპირდებიან. დაველოდოთ პირველ ტესტ-დრაივებს.

Auto Bild

რაკი ახალი ”იმპრეზა” წინამორბედზე გრძელი და განიერია, ინტერიერში მეტი სივრცე იგრძნობა. ვერ დავიწუნებთ სალონში გამოყენებული მასალების ხარისხს და ხილვადობასაც. ბევრი რამ გვახსენებს Subaru BRZ-ს, რომლის კოკპიტიც ფეისლიფტის შემდეგ დაახლოებით ასეთივე იქნება. თუმცა ორადგილიანი ასეთ დიდ სენსორულ ეკრანს ალბათ არ მიიღებს. Apple CarPlay-სთან და Android Auto-სთან დაკავშირება კი ”იმპრეზას” ნებისმიერ ვერსიაში სერიულია.

Auto BildAuto Bild

ნიუ იორკის ავტოშოუზე ნაჩვენები წითელი სპორტული მოდელი სერიულად 18-დუიმიანი დისკებით, სპორტული სავალი ნაწილით და ე.წ. Torque-Vectoring-ით გამოდის - სრული ამძრაობის სპეციალური სისტემა, რომელის სიმძლავრის გადანაწილებას მძღოლის სურვილებს შეუსაბამებს. ნოი იორკშივე გვიჩვენეს ჰეჩბექიც, რომელიც განსაკუთრებით ევროპელებს მოეწონებათ. იაპონელებს არ უთქვამთ, რა ეღირება ახალი ”იმპრეზა” - ჩვენი ვარაუდით, მისი საწყისი ფასი 20 000 ევროზე ნაკლები უნდა იყოს.

Auto Bild
ჰეჩბექი, რომელიც განსაკუთრებით ევროპელებს მოეწონებათ

Auto Bild

ასევე იხილეთ:
სუბარუმ ფორესტერი განაახლა
Auto Bild


ახალი სუბარუ უცნაური სახელით
Auto Bild


კარგი სუბარუ მისაღებ ფასად
Auto Bild


სუბარუს ახალი ექსტრემისტი
Auto Bild


Subaru Impreza 1.6i: შეუმჩნეველი უპირატესობა
Auto Bild

ბეჭდვა
ტეგები:
article image
2017-05-18 06:53:04
პირველი ჯიპი 1940 წელს დაიბადა და მეორე მსოფლიო ომში წავიდა. ხელმეორედ დაბადების მისია მშვიდობიანია
article image
Cat Image
2017-05-03 07:17:11
საჭის მექანიზმი ოთხი თვლის მართვით - ეს Aventador S-ის უმთავრესი სიახლეა, რისი წყალობითაც ”ლამბო” უფრო მძაფრად დადის
article image
Cat Image
2017-04-25 06:00:00
ჟენევის ავტოშოუდან ლონდონის ქუჩებისკენ - AUTO BILD-მა I-Pace-ით ექსკლუზიურად გაისეირნა
სხვა სიახლეები
24.05.2017
რუსეთის რეგიონებში რომ ძალიან ცუდი გზებია, ამის შესახებ ადრეც ვწერდით. სტილისტმა ანა მოსკვიჩევამ გადაწყვიტა, პროტესტი
სრულად
22.05.2017
„მერსედესმა“ თავის ლუქს-კლასის ბრენდ „მაიბახის“ უგზოობის მოდელი „G650 ლანდოლე“ რამდენიმე თვის წინათ გაგვაცნო.
სრულად
22.05.2017
სათაურის წაკითხვის შემდეგ ალბათ იფიქრეთ, რომ ჩინური ელექტრომობილი უნდა გაგაცნოთ, რადგან ყველაზე იაფი ელექტრომობილები სწორედ ჩინეთში იწარმოება, მაგრამ არა
სრულად
ახალი ნომერი