„რენო კაპტური“ საქართველოშია!
„რენო კაპტური“ საქართველოშია!
14.12.2016
„რენოს“ ოფიციალურმა დილერმა საქართველოში, კომპანია „ფრანს ავტომ“, თავის მყიდველს პოპულარული სუბკომპაქტური ქროსოვერი „კაპტური“ (Captur) შესთავაზა. ავტომობილის პრეზენტაცია 3 დეკემბერს, თბილისი მოლის ცენტრალურ ატრიუმში გაიმართა.

ავტომობილი უკვე დგას კომპანიის შოურუმსა და თბილისი მოლის ჰოლში. „კაპტურის“ შესაძლებლობებში დასარწმუნებლად, „ფრანს ავტო“ პოტენციურ მყიდველებს ავტომობილის ტესტ-დრაივის საშუალებას აძლევს.

„რენო კაპტური“ სუბკომპაქტური ქროსოვერების შედარებით ახალი და სწრაფად მზარდი სეგმენტის ერთ-ერთი გამორჩეული მოთამაშეა. ის ბაზირებულია მეოთხე თაობის „კლიოს“ პლატფორმაზე, თუმცა გაბარიტებით მასზე დიდია. ახალი ავტომობილის პრემიერა ჟენევის 2013 წლის ავტოშოუზე გაიმართა. ორი წლით ადრე კი, იმავე ჟენევის შოუზე, მისი კონცეპტუალური ვერსია ვიხილეთ.

„კაპტურის“ დიზაინი „რენოს“ კორპორატიულ სტილშია შესრულებული, რომელიც ფრანგულმა კომპანიამ თავისი მთავარი დიზაინერის, ლორენს ვან დენ აკერის ხელმძღვანელობით შეიმუშავა. ამასთან, კომპანია მყიდველს როგორც ექსტერიერის, ასევე ინტერიერის ინდივიდუალიზაციის მრავალფეროვან არჩევანს სთავაზობს.

Auto Bild
ავტომობილის პრეზენტაცია 3 დეკემბერს, თბილისი მოლის ცენტრალურ ატრიუმში გაიმართა

ეს არის ძალიან პრაქტიკული ავტომობილი, რომელიც ქალაქში პატარა ჰეჩბექივით სხარტი და კომფორტულია და საკმაოდ რბილი საკიდარის მიუხედავად, მოსახვევებში მდგრადობით გამოირჩევა. ცუდ გზებზე კი კარგი გამავლობით გაგაოცებთ, რაშიც მაღალი კლირენსი ეხმარება.

„კაპტურის“ ძრავების გამაში ორი აგრეგატი შედის. ბენზინის (ტურბო) 1.2-ლიტრიანი TCe ძრავა - 116 ცხენის ძალით და დიზელის ძრავა, რომელიც 1.5-ლიტრიანია და 90 ცხენის ძალას და 220 ნიუტონმეტრს გამოიმუშავებს. დიზელის აგრეგატი კომბინირებულ რეჟიმში 100 კილომეტრზე 3.9 ლიტრ საწვავს მოიხმარს, ხოლო ბენზინის ძრავის ხარჯი კი - 5.4 ლიტრია. გადაცემათა კოლოფი 6-სიჩქარიანი ავტომატიკაა.

„რენო კაპტური“ საფრანგეთის საავტომობილო პრესის ასოციაციის გამოკითხვით, 2013 წლის საუკეთესო ავტომობილი გახდა. საქართველოში ამ სუბკომპაქტური ქროსოვერის ფასი 17 200 დოლარიდან იწყება და საჩუქრად 1 წლიანი ავტოდაზღვევა მოყვება.

ასევე იხილეთ:
რენოს ახალი, სერიოზული სედანი (+ VIDEO)
Auto Bild
article image
2017-01-10 11:12:03
”ტოიოტამ” დეტროიტის ავტოშოუზე ახალი Camry წარმოადგინა. იაპონელთა ბესტსელერს აშშ-ის ბაზარზე ახლა უფრო ემოციური დიზაინი აქვს და ახალი ძრავებიც მიიღო.
article image
Cat Image
2017-01-09 12:09:06
ახალი ცხვირი, ახალი ტექნიკა: ”მერსედესმა” თავისი კომპაქტური SUV, პოპულარული GLA განაახლა.
article image
Cat Image
2017-01-04 12:02:45
”კიამ” ახალი ”პიკანტოს” პირველი ოფიციალური ფოტოები გამოაქვეყნდა, რომლებზეც კორეელთა მცირელიტრაჟიანი
სხვა სიახლეები
19.01.2017
”ყვითელი შუმახერები” - ასეთი სახელწოდება აქვს ამ პატარა დოკუმენტურ ფილმს, რომელიც ასახავს იმას, რაც უამრავ ქართველ მძღოლს აწუხებს.
სრულად
11.01.2017
მეორადი ავტომობილების ბაზარზე უდიდესი არჩევანია. რომელი ავტომობილია ყველაზე გამძლე და ხარისხიანი?
სრულად
11.01.2017
დღეისათვის სუპერავტომობილების ბაზარზე ერთ-ერთი მთავარი ჰიტი ”მერსედესის” მომავალი ჰიპერავტომობილია, რომელიც ფორმულა 1-ის ძრავით უნდა აღიჭურვოს.
სრულად
ახალი ნომერი