მერსედესის სუპერავტომობილი - ქართველი დიზაინერის, ალექს იმნაძის ვერსია
მერსედესის სუპერავტომობილი - ქართველი დიზაინერის, ალექს იმნაძის ვერსია
11.01.2017
დღეისათვის სუპერავტომობილების ბაზარზე ერთ-ერთი მთავარი ჰიტი ”მერსედესის” მომავალი ჰიპერავტომობილია, რომელიც ფორმულა 1-ის ძრავით უნდა აღიჭურვოს. შტუტგარტელები ამ მანქანის შესახებ ინფორმაციას ძუნწად, მცირე ულუფებად გვაცნობენ. ერთხელ მისი სილუეტიც გვიჩვენეს, ახლახანს თიზერიც გამოაქვეყნეს, მაგრამ მის გარეგნობაზე ჯერ მხოლოდ წარმოსახვა თუ შეიძლება.

ეს საქმე ყველაზე უკეთ დიზაინერებს ეხერხებათ, რომლებსაც მდიდარი წარმოსახვაც აქვთ და მისი გადმოცემის უნარიც. მათ შორისაა ქართველი დიზაინერი ალექს იმნაძეც, ვისაც არაერთი შესანიშნავი ესკიზური პროექტი აქვს მომზადებული. ახლახან მან მერსედეს-AMG-ს მომავალი ჰიპერავტომობილის თემაზეც შეიმუშავა პროექტი, რომელიც თავისი გარსშემოდენილი ფორმით და სარბოლო პროტოტიპების კლასთან მსგავსებით გამოირჩევა.

Auto Bild

და რა თქმა უნდა, „მერსედესის“ ლოგოს გარდა, ამ კომპანიისადმი კუთვნილების მიმანიშნბელი ისეთი ელემენტიც აქვს, როგორიცაა რადატორის ტიპური ცხაურა. ასეთს სერიულ მოდელებზე ჯერ ვერ ნახავთ, თუმცა შტუტგარტელთა რამდენიმე „მწვანე“ კონცეპტიდან უკვე გვეცნობა და ალბათ, ახალი ქვებრენდის ელექტრულ და ჰიბრიდულ სერიულ მოდელებზეც ვიხილავთ.

Auto Bild

ავტომობილს განსაკუთრებით დახვეწილი აეროდინამიკა აქვს. ჯერ ერთი, მისი ბორბლებიც კი თითქმის მთლიანად დახურულია. უკანა დიფუზორი დიდი გაბარიტებით არ გამოირჩევა. ვერც უკანა ანტიფრთას დაინახავთ. სამაგიეროდ, ავტომობილს კოკპიტის/სანთლის უკანა ნაწილიდან ბოლომდე გაჰყვება თხელი კილი, რომელიც მაღალ სიჩქარეზე ავტომობილის მდგრადობას შეუწყობს ხელს.

Auto Bild

დაბოლოს, ვინც ჯერაც არ იცნობს ალექს იმნძეს: ეს არის ახალგაზრდა ქართველი დიზაინერი, რომელმაც ტურინის დიზაინის ევროპული სკოლა აქვს დამთავრებული და თავისი ჯერ მოკლე კარიერის განმავლობაში, მუშაობა მოსაწრო „ბერტონეში“, „მაჰინდრაში“, „ალფა რომეოსა“ და „ფორდში“. მის მიერ ტურინში სწავლისას შესრულებული საკურსო პროექტი, ერთ-ერთი საუკეთესო იყო. ნიჭიერი დიზაინერი თავისუფალ დროს საკუთარ კონცეფციებზე მუშაობას უთმობს და შემუშავებული აქვს „მაზერატის“, „ალფა რომეოს“, „ფერარის“, „პორშეს“, „ბუგატის“ და სხვა კომპანიების ვირტუალური პროექტები...

Auto Bild

ასევე იხილეთ:
KIA-ს ქართული მომავალი - გიორგი თედორაძის ხედვა
Auto Bild


ავტოდიზაინის საიდუმლო სამყარო
Auto Bild
ბეჭდვა
article image
2017-03-22 06:54:50
”ფორდის” ლეგენდად ქცეული 3-ცილინდრიანი ძრავის უპირატესობაში კიდევ ერთხელ დავრწმუნდით - ეს აგრეგატი ”ფოკუსს” განსაკუთრებით უხდება
article image
Cat Image
2017-03-17 09:18:38
ჟენევაში ჩასვლამდე, „ლამბორგინიმ“ თავის სუპერქარ „ურაკანის“ უახლესი, ყველაზე ტემპერამენტიანი ვერსია, მეტსახელად „პერფორმანტე“ (შემსრულებელი) ნურბურგრინგის ტრეკზე გაიყვანა
article image
Cat Image
2017-03-14 06:43:42
„მაკლარენმა“ ჟენევის ავტოშოუზე, თავისი უახლესი სუპერავტომობილი, 720S წარადგინა
სხვა სიახლეები
24.03.2017
ამიხსენით, ყველას სამკვდრო-სასიცოცხლო საქმე როგორ აქვს? თუ, საქართველოში ყველა საქმე სამკვდრო-სასიცოცხლოა?
სრულად
23.03.2017
2017 წელს, ფორმულა 1-ში სულ 20 ეტაპი გაიმართება - ერთით ნაკლები, ვიდრე 2016 წელს. ჩემპიონატი 26 მარტს, ავსტრალიაში აიღებს სტარტს
სრულად
22.03.2017
”ფორდის” ლეგენდად ქცეული 3-ცილინდრიანი ძრავის უპირატესობაში კიდევ ერთხელ დავრწმუნდით - ეს აგრეგატი ”ფოკუსს” განსაკუთრებით უხდება
სრულად
ახალი ნომერი